Në Udine të Italisë është bllokuar një apartament që përdorej si depo droge. Katër shqiptarë kanë rënë në pranga të policisë, pas operacionit ditën e djeshme. 36 kg marijuanë, 42 gram kokainë, dy mitraloz “Skorpion 765”, prodhim çekosllovak dhe mjete të nevojshme për paketimin e drogës janë sekuestruar tashmë nga policia në apartamentin e zbuluar.
Përveç armëve dhe drogës me vlerë 300 mijë euro, policia ka sekuestruar edhe 22 mijë euro. Prokurori i Pordenone-s ka urdhëruar arrestimin e Sokol Palit, 32 vjeç; Hysni Sheshit, 37, Ilirjan Isufit, 35, dhe Anisa Memës, 30 vjeçe. Tre të parët ndodhen në burg, ndërsa për Anisën është vendosur masa e sigurisë së arrestit shtëpiak.
Shfaq Komentet (0)
